WALA nagpaulahi si 2nd district Congw. Ma. Vanessa “Vanvan” Aumentado sa pagpahiluna sa mga pundo nga gigahin alang sa health infrastructure.
Base sa National Expenditure Program, P20M ang gigahin sa Ubay Super Health Center IV lakip na ang P4M alang sa mga ekipo samtang sa Don Emilio Del Valle Memorial Hospital dunay P92M.
P20M ang nagahin sa Bien Unido Super Health Center lakip na ang P4M kantidad sa mga ekipo.
Sa laing bahin, ang mga Super Health Center sa Talibon, Sagbayan ug Buenavista puros dunay tag P5M alang sa “completion” niini.
Suma pa ni Congw. Aumentado nga dunay fund allocation usab alang sa medical assistance arun masiguro ang maayong panglawas sa mga taga Segundo Distrito.
Nihangyo na usab siya nga ma-pundohan ang ubang mga Super Health Center nga tukoron sa ubang lungsod lakip na ang mga ambulansya. (Kahlil Lester O. Camba)
