SUPORTADO sa labing una nga babayeng kongresista sa Segundo Distrito sa Bohol ang libreng farm-to-market transportation sa mga produkto sa mga mag-uuma aron matabangan sila sa nagkataas nga presyo sa mga palaliton.
Sumala pa ni Kongresista Vanessa Aumentado nga duha ka butang ang angayan nga suportahan.
Una mao ang nag-us-us nga ekonomiya ug ang ka walay sakyanan sa kabukiran paingon sa kalungsuran o syudad nga kargahan sa mga gulay kon agricultural products.
Gidugang pa niya nga mamahimo usab maghatag ayuda o kaha diskwento ang nasudnong pangagamhanan ngadto sa mga mag-uuma sa pag-angkat sa produkto.
Giingon ni CongW. Aumentado nga padayong nagkataas ang presyo sa mga nag-unang palaliton tungod sa epekto sa nanglabay nga kalamidad ug sa law of supply & demand. (RTB)
