MAO kini ang kusganong gibatbat ni BM Lucille Lagunay atol sa iyang privilege speech sa ilang session karong semanaha.
Ang maong SP Session gipangulohan ni Senior Board Member Tita Baja sanglit tua man sa kaulohan niadtong higayona si Bise Gob. Dionisio Victor A. Balite.
Dugang pa ni Lagunay nga lakip ang atong mga tambalanan sa lalawigan dili na matingala sa mga water quality-related diseases sama sa cholera, acute gastroenteritis ug typhoid.
Ang hinungdan niini mao ang water-borne pathogens suma pa ni BM Lagunay sa iyang privilege speech.
Kahinumduman nga nibita siya sa Provincial Health Office (PHO) Water Laboratory ug naghimo sa usa ka pagtuon mahitungod sa water supply sa Bohol.
Suma pa, dunay 3 ka level classifications ang water sources; Level 1, 2 ug 3. Level 1 mao ang gikan sa protected well o “developed spring”.
Ang Level 2 mao ang communal faucets o stand posts samtang Level 3 na ang waterworks system o indibidwal nga mga koneksyon sa mga panimalay.
Ang ubang water classification mao ang mga water refilling station , emergency water supply, pribadong mga pumping unit, marine ug inland water, swimming pool ug mga beaches.
Suma pa sa resulta sa PHO Water Laboratory, 38% potable water lamang samtang 62% non-potable water sukad pa niadtong Enero 2021 hangtud Hunyo 2022.
Gibasehan niini mao ang mga water samples nga gisumiter sa mga sanitary inspectors.
Namahayag usab si BM Lagunay nga ang potable water mao ang gi-define sa Bohol Environment Code nga “ free from impurities in amounts sufficient to cause disease or harmful physiological effects in humans and conforming to latest drinking water standards”.
Gikinahanglan usab nga moumol ang Kagamhanang Probinsyal sa Bohol og Provincial Water Quality Management Task Force nga maoy mag monitor ug magtuon sa kalidad sa tanang tinubdan sa tubig .
Arun masiguro ang public health ug general welfare sa mga lumulopyo dinhi sa Bohol.
Matud pa sa PHO Water Laboratory nga dunay 14 ka sanitary inspectors sa Bohol nga “high compliance” o 75%-94% ug 11 ang average o 50%-74%.
Subo palandungon nga dunay mga lungsod nga ubos pa sa 50% ug usa ka lungsod nga walay nasumiter nga bisan usa ka water sample.
Sukad pa kini niadtong Enero 2021 hangtud Hunyo 2022. (Kahlil Lester O. Camba)
