GIPATAAS gihapon sa Bureau of Fisheries and Aquatic Resources (BFAR) ang red tide alert sa pipila ka mga lugar sa tibuok nasud base sa pinakaulahing resulta sa pagsuway (testing) sa paralytic shellfish poison.
Kini basi sa pinakauwahing shellfish bulletin no. 15, nga gipagawas sa ahensiya kaniadtong Agosto 18, 2022.
Ang red tide positive areas mao ang kadagatan sa lungsod sa Dauis ug Tagbilaran City sa Bohol; Dumanquillas Bay sa Zamboanga del Sur; ug Lianga Bay sa Surigao del Sur.
Tanang klase sa kinhason ug acetes sp. nga nakolekta gikan sa maong mga lugar ang dili luwas alang sa konsumo sa tawo.
Bisan pa, ang mga isda, nukos, hipon, ug alimango luwas nga kan-on, basta kini presko ug hugasan pag-ayo ug ang mga internal nga organs gikuha sa dili pa lutoon.
Laing tawag sa red tide mao ang makadaot nga algae bloom diin gilangkoban sa microscopic algae o phytoplankton nga gikinahanglan usab sa kinabuhi sa kadagatan.
Ilhanan ang pagkalanag gikan sa paralytic shellfish nga mahimong makuha sa mga tawo kung mokaon sila og seafood nga kontaminado sa red tide.
Ang pagkonsumo sa nataptan nga kinhason mahimong hinungdan sa mga simtomas sama sa pagpangatol, pagduka, ug paglisod sa ginhawa. (RTB)
