SI Doctor Michaela Glöckler ug Prof. Manfred Spitzer sa Switzerland nagpahimangno batok sa paggamit sa digital media alang sa kabataan. Aduna silay gihimong petisyon nga nanawagan alang sa positibong investment alang sa constructive education. Si Dr. Michaea Glocker usa ka pediatrician ug head emeritus sa Medical Section sa Goetheaum didto sa Switzerland. Si Prof. Manfred Spitzer, usa ka neuroscientist, mipasidaan mahitungod sa pagkapeligroso sa paggamit sa digital media alang sa mga bata.
Matud sa ilang petisyon, “No to the digital kindergarten! Yes to constructive educational investments!” ug kini gisuportahan sa ELIANT Alliance, Alliance for Childhood, International Association for Steiner/Waldorf Early Childhood Education (IASWECE) ug sa International Waldorf Kindergarten Association.
Ayaw biyai ang inyong gagmayng mga batang magdula sa mga gadgets sama sa cellphone, computers ug uban pa, nga halayo sa inyong pagbantay. Mahimo kining makadaut sa ilang kaugmaon.
Dili kita mangangkon nga kitay nakauna ining mga ideyaha. Gani, kinopya lamang nato kini. Apan tungod kay kini labing importante, ato kining ipaambit dinhi.
Sa unang mga tuig sa kinabuhi, importante ang pagpakigsandurot sa kinaiyahan ug angayng likayan una ang digital media, matud sa duha ka doktor. “The virtual context of learning through media means that we are prevented from engaging with our real surroundings through our body in a holistic way,” matud ni Dr. Glöckler.
Ang digital education alang sa mga bata usa ka matang sa “mass experiment without any scientific grounding”, siya midugang. Dili tuyo sa petisyon ang pagsaway sa digital technology, gusto lamang niini nga gamiton kini sa hustong edad ug panahon.
Ang kinaugalingong kalihukan mahinungdanon kaayo. Usa sa labing importanteng resulta sa mga pagtuki sa natad sa brain research milatid sa ebidenya nga ang mga bata angayng makat-on sa motor skills pagpalihuk sa ilang mga kamot ug tiil, paglakaw, pagsulti ug paghunahuna nga kinaugalingon pinaagi sa trial and error, free play, imitation ug direktang pagpakigsandurot sa uban.
Ang utok molambo pinaagi sa aktibong paggamit niini: “Kon ang usa ka bata nag-observar, nagdiskubre, nagtuki, naminaw, mihilam, nagsimhut, ug mitilaw, molambo ang iyang pagkamanggiluy-on ug simpatiya, lakip na ang kapasidad paghunahuna, pagsulti ug paglihuk. Ang matag kinaugalingong lihuk sa tawo inubanan sa pagmugna sa utok makapatunhay sa dugang paglambo.”
