ANG Golden State Warriors nidaog batok sa Boston Celtics sa iskor nga 103-90, hinungdan nga sila karon ang 2022 NBA champs.
Si Stephen Curry maoy finals MVP. Matod sa iya komento niaging tuig, niingon kini nga “dili mo ganahan makakita namo sunod tuig” ug to-od na champion sila.
Si Steve Kerr, hangtod karon, dili makatoo nga champion na sila. Samtang si Gary Payton II ug iya amahan, maoy ikalima nga amahan ug anak nga nahimu kampyon sa NBA.
***
Sa laing bahin, diri sa atoa, gihimu ang convention sa mga Altarboys Sa Diocese sa Tagbilaran didto sa BIT International College gym.
Giuna kini ug usa ka talk nga ang speaker mao si padre Daryll Camargo.
Homan sa maong talk, gi sunod dayon ang santos nga misa, ang mi celebrar mao si Padre Sinfor Monton.
Sa hapon, gisundan dayon kini ug mga Pinoy games, tug of war, ikog-ikog, pinoy henyo, ug sack race. Hinungdan nga nagkahiusa ang mga altarboys sa Diocese, tungod kini sa pag paningkamot ni Fr. Herbert Padillo, Fr Nilo Pana, Fr. Johnson Galaura ug ni Sister Jen Fernandez.
***
Ug mao kini ang sports balita karon semanaha. Daghan salamat ug maayo adlaw sa tanan
