GIPAABOT nga malakip sa kasaysayan ang umaabot nga simbahan, alang sa San Vicente Ferrer sa Barangay Cabawan dinhi sa dakbayan sa Tagbilaran, nga gilauman nga mahimong pinaka- unang bamboo church dili lamang sa probinsya sa Bohol kundili pinaka una sa tibuok nasud diin usa kini ka talagsaong simbolo sa pagtuo, inobasyon, ug pag-atiman sa kinaiyahan.
Ang proyekto gipangulohan sa St. Vincent Ferrer Chaplaincy ubos sa Diocese of Tagbilaran, isip pagpangandam niini nga mamahimong hingpit na nga parokya. Ang planong simbahan gilauman nga maka-accomodate sa kapin 1,500 ka mga parokyano, aron matubag ang nagkadako nga panginahanglan sa komunidad sa Cabawan ug kasikbit nga mga barangay.
Nagsugod kining maong proyekto human sa pagtudlo kang Rev. Fr. Jingboy Saco, ang kasamtangang Diocesan Administrator isip chaplain sa Cabawan, diin nakita niya ang panginahanglan sa pagtukod og mas dakong simbahan nga dili ordinaryo ang disenyo.
Subay niini, mitumaw ang ideya sa pagtukod og simbahan nga hinimo sa kawayan, isip alternatibong materyales nga lig-on, sustainable ug environment friendly.
Matud pa ni Fr. Saco, ang Diocese adunay 3.7 ka ektaryang yuta nga gidonate nga mamahimong tukoran alang sa maong proyekto. Lakip sa master plan dili lamang ang simbahan kondili apil usab ang kumbento, restaurant, ug function hall nga magamit alang sa mga kalihokan sa parokya ug sa komunidad.
Talagsaon usab ang pangandoy sa proyekto nga mahimong landmark bamboo church nga ilhon dili lamang sa Bohol kundili sa nasud ug sa tibuok kalibutan. Sa pagkakaron, gitan-aw ang posibilidad nga isumite kini sa Guinness World Records isip pinakadakong estruktura sa kawayan sa iyang matang.
Ang disenyo sa simbahan gihimo ni Architect Erven Digal, uban sa suporta sa United Bohol Bamboo Advocates, Inc. (UBBA Inc.), usa ka organisasyon nga aktibong nagpalambo sa paggamit sa kawayan isip simbolo sa kusog, kalig-on, ug responsableng pagdumala sa kinaiyahan.
Ang opisyal nga paglusad sa proyekto gikatakda himoong karong Domingo, Enero 4, 2026, nga sugdan sa usa ka Santos nga Misa ug sundan dayon sa groundbreaking ceremony didto mismo sa luna nga tukuran sa umaabot nga simbahan sa Distrito sa Cabawan.
Sa pagkakaron, nagpadayon ang fundraising activities sa chaplaincy, lakip na ang pagbaligya og mga bamboo seedlings. Human sa groundbreaking karong Domingo, ipahigayon ang pagpananom sa mga kawayan, diin ang mga nakapalit sa seedling maoy mismong motanom niini ug butangan sa ilang pangalan isip tag-iya sa maong mga tanom.
Ang unang mga seedling sa kawayan nagtimaan dili lamang sa pisikal nga pagsugod sa proyekto, kondili sa pagtukod sa usa ka simbahan sa pagtuo nga naglaum nga mahimong world-class nga landmark ug simbolo sa paglaum ug kalig-on alang sa Bohol ug sa tibuok kalibutan.
Samtang nagpadayon ang pagpangita og dugang nga pondo sa maong proyekto, nagpabiling lig-on ang komunidad sa Cabawan sa ilang pagtuo nga kining unang bamboo church dili lang sa Bohol kundili sa tibuok Pilipinas, mahimong usa ka buhing simbolo sa pagtuo, paglaum, ug inobasyon alang sa umaabot pa nga mga henerasyon. (RTB)
Ferrer Chaplaincy ubos sa Diocese of Tagbilaran, isip pagpangandam niini nga mamahimong hingpit na nga parokya. Ang planong simbahan gilauman nga maka-accomodate sa kapin 1,500 ka mga parokyano, aron matubag ang nagkadako nga panginahanglan sa komunidad sa Cabawan ug kasikbit nga mga barangay.
Nagsugod kining maong proyekto human sa pagtudlo kang Rev. Fr. Jingboy Saco, ang kasamtangang Diocesan Administrator isip chaplain sa Cabawan, diin nakita niya ang panginahanglan sa pagtukod og mas dakong simbahan nga dili ordinaryo ang disenyo.
Subay niini, mitumaw ang ideya sa pagtukod og simbahan nga hinimo sa kawayan, isip alternatibong materyales nga lig-on, sustainable ug environment friendly.
Matud pa ni Fr. Saco, ang Diocese adunay 3.7 ka ektaryang yuta nga gidonate nga mamahimong tukoran alang sa maong proyekto. Lakip sa master plan dili lamang ang simbahan kondili apil usab ang kumbento, restaurant, ug function hall nga magamit alang sa mga kalihokan sa parokya ug sa komunidad.
Talagsaon usab ang pangandoy sa proyekto nga mahimong landmark bamboo church nga ilhon dili lamang sa Bohol kundili sa nasud ug sa tibuok kalibutan. Sa pagkakaron, gitan-aw ang posibilidad nga isumite kini sa Guinness World Records isip pinakadakong estruktura sa kawayan sa iyang matang.
Ang disenyo sa simbahan gihimo ni Architect Erven Digal, uban sa suporta sa United Bohol Bamboo Advocates, Inc. (UBBA Inc.), usa ka organisasyon nga aktibong nagpalambo sa paggamit sa kawayan isip simbolo sa kusog, kalig-on, ug responsableng pagdumala sa kinaiyahan.
Ang opisyal nga paglusad sa proyekto gikatakda himoong karong Domingo, Enero 4, 2026, nga sugdan sa usa ka Santos nga Misa ug sundan dayon sa groundbreaking ceremony didto mismo sa luna nga tukuran sa umaabot nga simbahan sa Distrito sa Cabawan.
Sa pagkakaron, nagpadayon ang fundraising activities sa chaplaincy, lakip na ang pagbaligya og mga bamboo seedlings. Human sa groundbreaking karong Domingo, ipahigayon ang pagpananom sa mga kawayan, diin ang mga nakapalit sa seedling maoy mismong motanom niini ug butangan sa ilang pangalan isip tag-iya sa maong mga tanom.
Ang unang mga seedling sa kawayan nagtimaan dili lamang sa pisikal nga pagsugod sa proyekto, kondili sa pagtukod sa usa ka simbahan sa pagtuo nga naglaum nga mahimong world-class nga landmark ug simbolo sa paglaum ug kalig-on alang sa Bohol ug sa tibuok kalibutan.
Samtang nagpadayon ang pagpangita og dugang nga pondo sa maong proyekto, nagpabiling lig-on ang komunidad sa Cabawan sa ilang pagtuo nga kining unang bamboo church dili lang sa Bohol kundili sa tibuok Pilipinas, mahimong usa ka buhing simbolo sa pagtuo, paglaum, ug inobasyon alang sa umaabot pa nga mga henerasyon. (RTB)
