Si Gobernador Aris Aumentado nagbutyag nga iyang gitunol ngadto kang Mr. ug Mrs. Robert Cajes ang bag0ng balay nga nahuman og tukod sa barangay Nahud, Danao, Bohol.
Kini ubos sa Project LAB (Libreng Alagad og Balay) sa Bohol Provincial Police Office nga gi-gahinan sa “atong personal na financial para malamposon ang LAB ug Balay sa Paglaum program,” matud sa goberndor sa iyang facbook post karong bag-o.
Kuyog sap ag-turnover mao sila si BPPO Provincial Director PCOL Lorenzo Batuan, PCADU/PPIO Chief PLtCol Norman Nuez, Danao Mayor Joe Cepedoza, Danao MPS Chief of Police PCPT Wilson Orapa, ug Rev. Fr. Jose Pompie Solana, alang sa pormal nga pagtunol sa naasoyng balay alang sa Cajes family.
“Nakita nato ang matam-is na pahiyom gikan sa magtiayon, mao nga nalipay kita nga adunay proyekto ang atong kapulisan sama niini, ug ato gyud kining gisuportahan,” matud sa gobernadora.
“Ngadto sa pamilya Cajes, congratulations!” ang gobrnador midugang. (ricobedencio@yahoo.com)
