METRO MANILA (PIA) — Si Presidente Ferdinand R. Marcos Jr. nipahimangno niadtong Miyerkoles sa paggukod sa mga rice hoarders ug price manipulators nga mopahimulos sa lean months sa dili pa ang ting-ani taliwala sa gikataho nga pagsaka sa presyo sa bugas sa merkado.
Ang Presidential Communications Office (PCO) niingon nga si Presidente Marcos nihatag og gibug-aton nga adunay igong suplay sa bugas tungod kay ang administrasyon karon nakigtambayayong sa pribado nga sektor aron i-rationalize ang mga presyo ug pagkaanaa sa barato nga bugas sa merkado ug sa mga tindahan sa Kadiwa.
“Rice supply is sufficient. Prices are, however very variable. The government is working with the private sector to rationalize the prices and make available affordable rice in the market and in Kadiwa (Igo ra ang suplay sa bugas. Ang mga presyo hinuon managlahi. Ang gobyerno nakigtambayayong sa pribado nga sektor aron i-rationalize ang mga presyo ug magamit ang barato nga bugas sa merkado ug sa Kadiwa,” ang PCO nagkanayon, nga nagkutlo sa Presidente.
Ang Department of Agriculture (DA) nitaho nga ang mga retailer namaligya og bugas sa managlahing presyo diin ang uban namaligya og bugas sa tag P38-P40 matag kilo isip labing barato samtang ang uban nagbaligya sa ilang pinakabarato nga barayti sa tag P50 matag kilo.
Tungod niini, ang PCO miingon nga ang Presidente mimando sa DA ug sa Department of Trade and Industry (DTI) sa pag-monitor pag-ayo sa presyo sa bugas sa lainlaing mga merkado sa nasud. (ECB/PIA7-Bohol)
MO-STABILIZE SA TING-ANI
Nipasalig si Presidente Ferdinand Marcos Jr. sa publiko nga mo-stable ang suplay ug presyo sa bugas samtang ang dagkong mga rehiyon sa humayan sa nasod nagsugod na sa pag-ani sa ilang mga pananom.
Sa usa ka pamahayag nga gipagawas sa Malacañang karong bag-o, si Marcos niingon nga sila hugot nga nagtan-aw sa suplay sa bugas ug mga presyo, ug siya nipadayag sa pagsalig nga ang mga presyo mo-stabilize kon adunay abunda nga suplay sa bugas ug igo nga reserba.
Matod sa Department of Agriculture (DA), ang well-milled local commercial rice gibaligya karon sa P42 ngadto sa P52 matag kilo sa mga merkado sa Metro Manila, samtang ang regular milled local commercial rice gipresyuhan sa P38 ngadto sa P50 matag kilo.
“Binabantayan namin nang mabuti ang pag supply ng ating bigas at pagbantay sa tumataas na presyo ng bigas at mayroon naman tayong balita na nagsimula na ang pag-aani sa Nueva Ecija, sa Isabela, at saka sa North Cotabato,” matod ni Marcos.
“Kaya’t ito’y magdadagdag sa supply natin. Ang binabantayan syempre natin ‘yung farmgate price, dahil ‘yun ang nag pataas sa presyo ngayon at pati ‘yung pag-import ng mga ibang inputs at saka ng bigas mismo,” dugang niya.
“Babantayan namin nang mabuti para tiyakin na ganon ang mangyari,” pasalig niya.
Si Dr. Leo Sebastian, undersecretary for rice industry development sa DA, niingon usab nga ang pasiunang pag-ani sa humay gikan sa Nueva Ecija, Isabela, ug North Cotabato makadugang sa suplay ug makapalig-on sa presyo niini.
Matod niya nga kining tulo ka mga probinsiya makaprodyus og gibana-bana nga 900,000 metric tons (MT).
Ang DA niingon nga ang pasiunang pag-ani sa humay gikan sa kasamtangang ting-ulan mahitabo hangtod sa Septiyembre.
Matod pa ni Sebastian nga ang mga mag-uuma sa tulo ka mga probinsiya nakatanom na sa sayong bahin sa Mayo, o mas sayo kay sa ubang mga lugar nga nagprodyus og humay.
“Palay harvest will peak in late September to October, contributing largely to the country’s second semester (July to December) production, estimated at more than 11 million metric tons (MMT),” matod niya.
“Barring strong typhoons in the coming months that may adversely affect Central and Northern Luzon, we are aiming to harvest up to 11.5 MMT in the second semester of the year. This would breach the 20 million MT total national palay production, making it a record, being the highest in the country’s history,” dugang ni Sebastian.
Niadtong Agusto 8, si Marcos mihimo og susamang pasalig, nga nag-ingon nga adunay igong stock sa bugas nga molungtad bisan human sa El Niño phenomenon sa 2024.
“The rice situation is manageable and stable. There is enough rice for the Philippines up to and after the El Niño next year,” matod niya human sa tigom sa mga industry players nga gipangulohan sa Private Sector Advisory Council ug sa Philippine Rice Stakeholders Movement (Prism) sa Malacañang.
Gihimo niya ang pahayag pagkahuman gipresentar sa DA ug Prism kaniya ang panan-aw sa suplay sa bugas alang sa nasod hangtod sa katapusan sa 2023. (RTB)
