USA ka Boholano nga gradwado sa Philippine Military Academy (PMA) ang gitudlo nga mangulo sa Area Police Command – Western Mindanao (APC-WM).
Si Major General Jonnel Estomo nga taga Panglao, Bohol maoy mo-supervise sa police operations sa Zamboanga Peninsula, Soccsksargen, ug Bangsamoro Autonomous Region in Muslim Mindanao.
Sayo ning tuiga, nalakip si Estomo sa shortlist sa mga probable designates nga itudlo isip hepe sa PNP.
Ang iyang pagkatudlo gipahibalo karong bag-o ni PNP chief Gen. Benjamin Acorda Jr.
Si Estomo maoy nihulip ni Lt. Gen. Vicente Danao Jr. kinsa mitapos na sa serbisyo niadtong Huwebes, sa dihang niabot na sa mandatory retirement age nga 56.
Sa wala pa siya mabalhin, si Estomo nagsilbi nga hepe sa Directorate for Plans (DPL) sa PNP.
Ang Boholano military officer nagsilbi usab nga hepe sa Police Regional Office (PRO) 5 (Bicol), National Capital Region Police Office (NCRPO) ug PNP Anti-Kidnapping Group.
Si Estomo sakop sa Philippine Military Academy Class of 1992. (RTB)
