GIBUTYAG ni City Mayor Jane Yap nga sulod sa usa ka tuig lamang 6 ka drainage projects na ug 10 ka road concreting projects ang na-implementar sa iyang administrasyon.
Mao kini ang usa sa mga punto nga iyang giklaro atol sa iyang State of the City Address dungan sa kasaulogan sa 57th Charter Day sa Dakbayan.
Ang Traffic Management usab mahimong prayoridad sa Yap-Jala administration sanglit mga retiradong police officers nga sila Jesus Acullador, Edgar Chan ug Bartolome Udtohan.
Kahinumduman nga ang duha ka sektor maoy nahemong hesgutan sa social media pipila ka semana na ang nilabay.
Mapasigarbuhon usab gisaysay ni Mayor Jane nga dunay Mobile Clinic ang Dakbayan sa Tagbilaran pinaagi sa tabang ni Sen. Risa Hontiveros. Dili na magkalisod ang mga katawhan kay dunay General Consultation, CBC, Dental Consultation, Free Medicines, ECG, Cardiac Panel ug Blood Typing.
Sa niaging CVRAA didto sa Dakbayan sa Carcar, nangunay sa paghatag sa suporta si Mayor Jane ngadto sa mga atleta pinaagi sa tag P3,200 kada usa. Mao kini ang pinakadako nga allowance sa mga contingents nga nisalmot sa maong kalihokan.
Napahigayon na didto sa Dampas ang 3-storey, 3,000 sq.m nga Super Mega Health Center ug Dialysis Center. Mahimo kini nga “all-in-one health, wellness ug recovery facility” samtang sa maong Senior Citizen ug PWD Center.
Giila usab ang unang babayeng mayor sa dakbayan isip Top 2 Performing City Mayor sa Rehiyon 7 samtang usa siya sa 5th placer sa tanang first-termer City Mayor sa tibuok nasud.
PASIDUNGOG
Gipasidunggan usab nila ang mga empleyado nga dugay-dugay nang nangalagad sa lokal nga pangagamhan.
Si Rosario D. Lajot 10 ka tuig nang nangalagad samtang 15 ka tuig sila Ertha Maria Bague, Lila Campeciño, RM, Dr. Teomin S. Casno, Nila Esin, RN, Miriam D. Goder, RM, Maribelle A. Ingles, Shinna Maita Legaspe, RM, Celestina G. Miñoza, RM ug Cresenciano Salvaleon V.
20 Years of Service na usab sila Blas Batuhinay, Carmelito Morgia, Engr. Zandro L. Romuga, Engr. Fulgencio Sabijon ug Roel Sarmiento samtang 25 ka tuig na sila Gaudencio Balane, Engr. Teodoro Estoque ug Engr. Felito Francisco.
Ang mga niabot na og 30 ka tuig sa panerbisyo mao sila Engracia Aro,RSW ug Arceli Plasabas samtang 35 ka tuig sila Narcisa Aparri, Macario Baliog, Rosario Bancure, Zenas Batuhinay, Fidela Dahab, Ma. Emelia Galaura, Flora Glovasa,RM , Ma. Gloria Guerra, Rizalina Pumatong ug Marichu Viñas.
Si Cecilia Montemayor maoy nag-inusarang niabot sa 40 ka tuig pagpangalagad.
Sa Mayor’s Special Awards nanguna ang Centenarian Award nga si Marcosa O. Cagas samtang Athlete of the Year si Virgel “El Valiente” Vitor.
Sa 2023 Top 5 Business Renewal Taxes and fees Taxpayer Citation nanguna ang Alturas Group of Companies, Toyota Tagbilaran City, JT International (Philippines) Inc., City Hardware Bacolod, Inc ug Coca-Cola Beverages Philippines, Inc.
2023 Top 5 Real Property Taxpayer Citation ang Alturas Group of Companies, Quality Properties Inc./Bohol Quality Corp, GlobalPort Bohol, Inc, Herbert Malmis ug Bohol Tropics Corporation.
Distinguished Tagbilaranon Award sila Pablita Cabarles ug weightlifter Vanessa Sarno samtang Outstanding Woman of Tagbilaran si Dalareich Polot. (Kahlil Lester O. Camba)
