GCGMMC milapas sa kapasidad; ER occupancy, niiabot sa 182%

PUNO kaayo ang pasilidad sa Gov. Celestino Gallares Memorial Medical Center dinhi sa Tagbilaran City base sa opisyal nga census niadtong Nobyembre 18, 2026.

Sa Emergency Room lamang, niabot sa 182.86% ang occupancy rate — 64 ka pasyente ang giatiman bisan og 35 lamang ka higdaanan ang kapasidad niini.

Lapas usab sa limitasyon ang kinatibuk-ang gidaghanon sa mga pasyente sa tibuok ospital. Sa kinatibuk-an, 523 ang na-admit batok sa 400 ka higdaanan — o 130.75% occupancy.

Sa mga ward, 484 ang pasyente sa 347 ka higdaanan, nga nagpasabot og 139.48% occupancy. Ang Neonatal ICU usab milapas sa kapasidad sa 125%, samtang ang Medical ICU para sa mga makatakod nga sakit puno na sa 100%.

Dugang pa niini, 1,029 ka mga pasyente ang mibisita sa Out-Patient Department ug laing 54 ang nagpakonsulta sa ER sulod lamang sa usa ka adlaw. Kini nagpakita sa dako kaayong buluhaton nga giatubang sa atong mga kawani sa panglawas matag adlaw. (RTB)