NAGPADAYON ang pagtaas sa kaso sa dengue sa lungsod sa Trinidad, diin mikabat na sa 239 ang kinatibuk-ang natala nga kaso gikan sa Enero hangtod karong Nobyembre 2026. Sa maong ihap, 144 ang kumpirmado, 68 ang suspect, ug 27 ang probable cases.
Sa pinakabag-ong update niadtong Nobyembre 18, nakatala og unom ka bag-ong kaso — upat ang kumpirmado ug duha ang suspect.
Ang mga bag-ong kumpirmadong kaso nagagikan sa Banlasan, Hinlayagan Ilaya, Poblacion, ug Tagum Norte, samtang ang mga suspect cases natala sa Poblacion ug Guinobatan.
Giawhag ang tanang residente nga magpabiling mabinantayon ug kanunayng limpyohan ang palibot — ilabi na ang mga dapit nga may tubig-tubig — aron mapugngan ang pagdaghan sa mga lamok ug malikayan ang dugang pa nga pagkaylap sa sakit. (RTB)
