Bol-anon nanghawod sa Chemical Engineer Licensure Examination

JALA

LAING Bol-anon ang nagdala og dakong dungog ug garbo sa atong probinsya ug sa iyang pamilya human siya milutaw isip pinakataas sa bag-ohay lang nga gipahigayong board examination para sa mga Chemical Engineer.

Si Timothy John Alcantara Jala, nga gikan sa lungsod sa Sikatuna, Bohol, nakakuha sa unang pwesto sa Nobyembre 2026 Chemical Engineers Licensure Examination nga adunay maayo kaayo nga rating nga 93.30%. Mas naila isip Engr. TJ Jala, siya ang kinamaguwangan nga anak ni Sikatuna Municipal Councilor Mylene Jala ug mitapos sa University of San Carlos.

Dako ang kalipay ug garbo sa iyang inahan nga si Konsehal Mylene Jala sa talagsaong kalampusan sa iyang anak. Ipaabot niya ang iyang dakong pagpahalipay, kay ang maong kadaugan dili lang para sa ilang pamilya kondili alang usab sa tibuok lungsod sa Sikatuna.

Ang iyang kalampusan nagsilbing maayong ehemplo nga ang kakugi, sakto nga disiplina, ug dili pag-undang sa pagpaningkamot mao ang siguradong dalan padulong sa atong mga pangandoy. (RTB)