KARONG Semana Santa, atul usab sa nagsingabot nga eleksyon karong Mayo 9, 2022, kitang mga Bol-anon gihatagan sa kahigayonan pagpamalandong sa kinabuhi. Duha ka mga haligi sa edukasyon ug politikanhong kinabuhi sa Bohol mitaliwan na. Sila si Dr. Lilia Ancog Balite, matriarka sa BIT Colleges dinhi sa Visayas ug Mindanao mibiya sa iyang pisikal nga lawas niadtong Oktubre 17, 2021; ug kanhi Gubernador David Belarmino Tirol, kanhi usab Presidente sa University of Bohol, ug Obispo sa mga evangelical nga simbahan dinhi sa ato, karong bag-o pa lamang. Tingale kini usa ka timailhan nga nausob na ang henerasyon nga naghupot sa renda sa pangagamhanan ug edukasyon dinhi sa ato. Ang mga batan-on kaniadto, mga hamtung na usab karon. Ang mga batan-on nga lideres karon mao na usab ang motuyhakaw ug mobarug, ug angayan natong hatagan sa kahigayonan pagsilbi.
Gandhi and the mourning widow. Daghang mga tawo ang moduol kang Mahatma Gandhi aron magpatambag bahin sa ilang mga suliran sa kinabuhi. Usa ka adlaw niana, usa ka bawo ang miduol kaniya ug miingon: “Sir, tabangi ko kay perte nako’ng guola sukad nga namatay akong bana. Unsay akong buhaton aron maulian ko?”. Mitubag si Gandhi: “Sige, suruya ang tanang panimalay sa inyong baryo ug pangayo’g bugas sa kada balay nga imong masak-an diin wa pay namatay”. Paglabay sa tulo ka adlaw mibalik ang babaye kang Mahatma Gandhi. Nangutana si Gandhi: “Kumusta na man, hain na man ang imong pinangayo’ng bugas?”. Mitubag ang babaye: “Salamat Sir, naayo na ko. Wa ko’y nada’ng bugas pero naka-amgo na ko nga ang tanang panimalay namatyan naman gyud diay”.
Ang dalan sa kausaban. The road to change. Matud ni Mahatma Gandhi kung 5% kuno sa katawhan magpuyo sa kalinaw, mohari kuno ang kalinaw sa kalibutan. Apan matud sa mga sociologists nga nagtuon sa syensya sa katilingban kon social science, kinahanglan kuno nga kining 5% moagni sa 15% nga kinahanglan usab molihuk ug maningkamot nga mokumbinsir hangtud moabut og 85%, ug kon makab-ot na kini, aduna nay tiunay nga kausaban. Ang mga sociologists misulti usab nga natural gayud kuno nga sa matag higayon, aduna gayu’y 15% nga mosupak ug mobabag sa kausaban.
Panultihon. Karong semanaha atong ipaambit kining panultihon sa usa ka makinaadmanong tawo nga taga-Bulgaria. Ang iyang ngalan mao si Omraam Mikhael Aivanhov. Kining iyang mga pulong karong semanaha mahitungod sa atong impluwensya sa atong isig-ka-tawo. Matud pa niya:
“Human beings have the instinctive need to impose themselves upon others. Imposing oneself upon others is not necessarily detrimental, it all depends how you go about it. For instance, a rose imposes itself. By its beauty, by its fragrance it imposes itself upon us, but with gentleness. When the sun shines, it imposes itself upon us, since we start to take off our coats and jumpers. Of course, if you are not wearing a hat you could get sunstroke, but the sun does not use violence, it does not come down from heaven intending to strike you down. It simply says: ‘Be careful, my rays are strong, make sure you don’t get burnt.’ And the rose too says: ‘Be careful, if you stay near me I shall replace all your miasma with my fragrance.’ And like the sun and the rose, you are entitled to impose yourself, but only with your light, love, gentleness and beauty.”
Hinuktokan ta kini. Duyog sa pag-ampo alang sa usa ka malinawon ug limpyong Eleksyon 2022. Happy Easter, natong tanan!
