NAGSUGOD na si Mrs. Marybelle “Binggay” dela Serna sa iyang pangampanya alang sa pagka kongresista sa unang distrito sa Bohol
Pinaagi sa pagtuboy kaniya sa nagkadaiyang sektor sa katilingban nga maoy ilang suportahan pagka kongresista sa unang distrito sa umaabot nga election.
Ang mga representante sa nagkadaiyang mga sector sama sa food delivery, electrician/ mason, bartender, mangingisda, tourist transport, security guard, balut vendor, fish vendor, paintor, tricycle driver, students, women, media , fruit vendors ug uban pa nagkatapok atol sa unang adlaw sa kampanya sa local candidates aron hiniusang ituboy si Mrs. Binggay nga ilang kandidato pagka kongresista.
Si Mrs. Binggay nga kapikas ni kanhi OIC governor Atty. Victor dela Serna ang personal nga gituboy ni presidente Rodrigo duterte sa iyang pagbisita dinhi sa Bohol isip kandidato pagka kongresista sa 1st district sa umaabot election.
Si presidente Duterte usa sa mga estudyante ni Atty. Victor dela Serna sa kursong abogasiya diin suportado usab sa sinaligan ni presidente Duterte nga si senador Bong Go.
Si Mrs. Binggay miingon nga bisan pa sa iyang pangidaron, dili pa ulahi ang pagserbisyo sa katawhan.
Lakip sa iyang mga baroganan mao nga ihatag sa katawhan ang tinud-anay nga serbisyo alang kanila ug hunongon ang kinawatay sa salapi sa katilingban.
Si Mrs. Binggay gihulagway ni kanhi Tagbilaran city mayor Atty. Dan Neri Lim nga “miracle candidate”. (RTB)
