UNANG giawhag ang mga Katoliko sa pag-obserbar sa bakasyon sa kwaresma pinaagi sa paggahin sa panahon sa pagpamalandong ug pag-ampo, pag-una sa solemnidad sa okasyon inay sa pagpatuyang sa mga kalingawan.
Kini ang mensahe ni Diocece of Tagbilaran Bishop Alberto ‘Abet’ Uy sa iyang wali atol sa Palm Sunday Mass niadtong Marso 24, 2024, sa Cathedral sa dakbayan nga nagtimaan sa pagsugod sa kasaulogan sa Semana Santa.
“Dunay pipila nga malipay kon Semana Santa kay maghunahuna pag-ekskursyon sa kung asa man nga dapit, pero kung pwede lang sa atoang panahon ihatag lang sa Ginoo, kay daghan kaayo nga misteryo sa atong pagtuo mao nga gitawag og Holy Week kay mao ang paghimo sa pagsupak sa kinabuhi. Kristohanon, sa pagkabalaan,” matod ni Bishop Uy.
Ang Semana Santa usa ka mahinungdanong relihiyuso nga pagsaulog sa Kristohanong kalendaryo nga naghandom sa katapusang semana sa pag-antos ni Hesu Kristo nga gilutos, gilansang sa krus, namatay ug sa iyang pagkabanhaw sa pagtuman sa Bag-og Testamento.
Ang pag-obserbar sa mga Katoliko sa Semana Santa magsugod sa Palm Sunday ug matapos karong adlawa Easter Sunday, Marso 31. (RTB)
