GIPADAYAG sa ikaduhang labing-labaw nga opisyal sa Bohol nga ang presensya sa media nagpabilin nga usa ka mahinungdanon nga sangkap sa pagpadayon nga buhi ang demokrasya sa nasud.
Nagkanayon si bise-gobernador Dionisio Victor A. Balite, Ph.D nga ang media nagsilbi nga watchdog sa mga opisyal sa kagamhanan aron himoon nila ang ilang responsibilidad sa katilingban o publiko.
Gihisgutan usab ni BG Balite ang mga bag-ong palisiya ug sugyot-balaudnon aron masiguro ang kahilwasan ug seguridad sa mga trabahante sa media samtang gituman ang ilang katungdanan.
Matod ni Balite nga adunay gipirmahan si kanhi presidente Digong Duterte nga Executive Order No. 2 sa Freedom of Information (FOI), ang Administrative Order No. 1 nga naghimo sa Presidential Task Force on Media Security (PTFoMS), ug ang pending hangtud karon nga balaodnon nga Media Workers Welfare Act.
Dugang sa bise-gpobernador nga klaro kaayo sa konstitusyon nga giila ang media isip anaa sa ikaupat nga estado nga maoy responsabli sa pagpahibawo sa katawhan sa mga panghitabo sa katilingban ug ang pagtaho sa nahimo sa mga opsiyal sa kagamhanan. (RTB)
