GIBUTYAG ni Congw. Alexie Tutor nga usa ka complex legislation ang Magna Carta of Seafarers sanglit dunay mga stakeholders nga magdumili sa kausaban.
Ang Seafaring ubos sa atong pamalaud dinhi sa nasud lakip ang naval architecture ug marine engineering profession nga gi-regulate sa Professional Regulatory Commission o PRC.
Isip Chairperson sa House Committee on Civil Service and Professional Regulation, usa sa iyang responsibilidad ang mga professional seafarer dinhi sa nasud ug ingon man abroad.
Ang maong sugyot balaudnon kon maaprobahan mahimong “end-to-end protection” nila sa pagsulod pa lang sa maritime school hangtud na sa pagretiro.
Sukwahi sa mga pagtuo sa uban, ang Magna Carta of Seafarers walay labot niini ang mga fishing vessel, traditional-built ships, government ships, naval ship, naval auxiliaries ug Coast Guard vessel.
Gipanday ang maong sugyot balaudnon arun malikayan ang mga vessel collision, boat sinking, oil spill ug uban pang trahedya nga gumikan sa human error, substandard vessel, ug non-compliance sa mga tag-iya, operator lakip ang mga crew.
“It has provisions on domestic seafarers, inspection and enforcement, shipboard training, maritime higher education and curriculum, and roles of the CHED and Coast Guard” suma pa sa kongresista. (Kahlil Lester O. Camba)
