GIPAHIGAYON na didto sa Sitio Dela Paz, Basdio, Guindulman ang pag turnover sa P10M Solar Water System project gikan sa kakugi ni Congw. Alexie Tutor.
“Ang dugay nga gipangandoy sa katawhan nahatagan na gyud ug kasulbaran. Among dakong pasalamat sa Kinaiyahan sa gasa sa tubig. Atong tabangan ug amping kini arun daghan ang maka benepisyo sa umaabot na panahon,” pamahayag pa ni Congw. Alexie.
“Daghang Salamat Basdioanon sa gugma ug way puas na suporta.”
Sa laing bahin, didto sa Pilar gi-turnover na usab ang Ilaud-Lumbay Farm-to-Market Road kantidad P12M nga gitambongan nila Congw. Tutor, Board Member Greg Jala, Senior Board Member Tita Baja, Mayor Wilson Pajo, Lumbay Punong Brgy. Marcelino Auguis Jr. ug Ilaud Punong Barangay Expedito Bactasa.
Sa Brgy. Bagacay, gui-turnover ang P5M Brgy Hall nga nasaksihan mismo ni Punong Barangay Francisco Escabusa Jr.
“Walay hunong atong mga programa sa tersero.Proyekto nga makatabang ug dako sa mga katawhan,” suma pa ni Congw. Alexie. (Kahlil Lester O. Camba)
