GIHIMO kagahapong adlawa ang pagtugyan sa minilyong proyekto sa lungsod sa Ubay, Bohol pinaagi sa kugihan ug labing una nga babayeng magbabalaod sa Segundo distrito Vanessa ‘Vanvan’ Cadorna Aumentado.
Kauban ni CongW. Vanvan sa maong turn-over ceremony mao ang iyang kapikas nga si Gobernador Aris Aumemntado kinsa mao usab ang amahan sa distrito sa nakalabay nga mga tuig ug ang amahan sa Ubay nga si Mayor Costan Reyes ug ubang mga opisyal sa lungsod ug barangay.
Sumala sa magbabalaod nga naglakip sa mga proyekto mao ang:
1. San Francisco-San Pascual Access Road/Bridge National Road- 40M;
2. Diversion Road Barangay Poblacion to Barangay Fatima, Ubay, Bohol- 100M (with additional- 80M Bridge Construction- GAA 2024);
3. Farm-to-Market Road Concreting Barangay Benliw, Ubay, Bohol- 13M; ug
4. Construction of Multi-purpose Building/Covered Court & Facilities- Biabas Trade High School, Barangay Biabas, Ubay, Bohol- 5M.
Kinatibuk-an nga 158M (2023) ang na implementar na samtang ang 80M i-implementar karong tuiga 2024 diin ang pundo gikan sa GAA 2023 ug ang Implementing Agency mao ang DPWH- Destruct Engineering Office 2.
Laing kauban ni CongW. Vanvan sa maong project turn-over mao sila si Capitan Costan, DPWH Family, Brgys Officials sa San Francisco, San Pascual, Fatima, Poblacion, Benliw, Biabas, Biabas Sk Chairman.
Ug apil sab sa mibisita ang Kapitan sa San Vicente ug Achila, Biabas Trade High School Faculty & Staff, Ubay II PSDS Dr. Ma. Maya V. Tumalon ug mga estudyanti.
Sila si CongW. Vanvan ug Guv. Aris Aumentado managsama nga dunay kasing-kasing alang sa tinud-anay nga pagpangga ug pagpangalad sa mga Bol-anon kay bisan bag-o pa ang nahauna nga nakapanganak, apan wala na kini nagpahuway pa sa dugay ug mibisita ug mihimo dayon kini sa iyang trabaho sa distrito. (RTB)
