GIBUTYAG ni Engr. Vicente “Enteng” Loquellano sa Kilusang Pagbabago nga pagaumolon sa grupo ang Boholano Coalition 4 Transparency, Accountability, Peace and Security (BOHOLANO 4 TAPS Coalition).
Naglaraw ang Kilusang Pagbabago (KP) nga makig-alayon sa mga religious groups kon diin nahuman na nila pakighinabi ang Provincial Federation of Christian Pastors.
Dugang pa niini, dunay “initial talks” na nga gihimo kang Bishop Abet Uy pinaagi ni Msgr. Jeffrey Malanog.
Kahinumduman nga bag-ohay lang nagtapok ang grupo pinangulohan ni KP Provincial Chairman Robert Olaer arun sa pag re-organize sa grupo ug tukion ang People’s Initiative.
Kahinumduman nga daghan nang mga sumbong gikan sa mga kalungsuran nga dunay nisuroy na arun magpapirma kon mouyon ba o dili ang katawhan sa maong lakang.
Ang People’s Initiative usa lamang sa pamaagi sa pag-usab sa Konstitusyon lakip na ang Constituent Assembly (CON-ASS) ug Constitutional Convention (ConCon).
Nagpadala sa iyang Message of Support si kanhi Cabinet Sec. Jun Evasco alang sa maong katuyuan. (Kahlil Lester O. Camba)
