SUPORTADO sa ikaduhang labing-labaw nga opisyal sa Bohol ang libreng farm-to-market transportation sa mga produkto sa mga mag-uuma aron matabangan sila sa nagkataas nga presyo sa mga palaliton.
Sumala pa ni Bise-gobernador Victor Balite nga duha ka butang ang angayan nga suportahan. Una mao ang nag-us-us nga ekonomiya ug ang ka walay sakyanan sa kabukiran paingon sa kalungsuran o syudad nga kargahan sa mga gulay kon agricultural products.
Gidugang pa ni Balite nga mamahimo usab maghatag ayuda o kaha diskwento ang nasudnong pangagamhanan ngadto sa mga mag-uuma sa pag-angkat sa produkto.
Giingon sab bise-gobernador nga padayong nagkataas ang presyo sa mga nag-unang palaliton tungod sa epektop sa mga miaging bagyo ug sa African swine fever (ASF) karon.
Sa laing bahin, nanawagan usab og imbestigasyon sa pagsaka sa presyo sa mga baboy ang opisyal sa kapitolyo. (RTB)
