NIDUSO ang duha ka grupo og petisyon sa buhatan sa Land Transportation Franchising and Regulatory Board Central Visayas aron mangayo og usbaw sa pletehan alang sa mga sumasakay nga publiko.
Si LTFRB-7 Regional Director Eduardo Montealto Jr. miingon nga ang duha ka transport groups ang niduso og managlahing petisyon. Matud niya, mopatawag pa sab sila og public hearing bahin niini.
Dugang pa ni Montealto, ilang paminawon ug timbang-timbangon uban sa mga nagkadaiyang ahensya kung angayan ba gayud nga usbawan ang pletihan karon.
Wa pa hinuon ibutyag ni Montealto kun kanus-a mahitabo ang public hearing ug kun pilay gipangayong usbaw.
Sa pagkakaron, sobra P80 na ang presyo matag litro sa pipila ka gasolinahan samtang ang uban kapin P70 matag litro. (RTB)
