MAGPABILIN ang lalawigan sa Bohol sa Alert Level 2 hangtud sa katapusan niining buwana sigon sa bag-ong alert level classification nga gipagawas sa Inter-Agency Task Force (IATF).
Nasayran nga ang Cebu City ug Siquijor lang sa Central Visayas ang apil sa Alert Level 1 uban ang National Capital Region (NCR) ug laing kapin sa 40 ka mga lugar sugod karong adlawa.
Matod ni Presidential Communications Secretary ug acting presidential spokesperson Martin Andanar, nga giaprubahan ni Pres. Rodrigo Duterte ang rekomendasyon sa Inter-Agency Task Force (IATF) nga magpabilin sa maong alert status ang NCR ug 47 ka mga lugar sugod Marso 16 hangtod 31.
Kini naglakip sa Abra, Apayao, Baguio City ug Kalinga sa Cordillera Administrative Region (CAR); Dagupan City, Ilocos Norte, Ilocos Sur, La Union ug Pangasinan sa Region 1; Batanes, Cagayan, Santiago City, Isabela ug Quirino sa Region 2; Angeles City, Aurora, Bataan, Bulacan, Nueva Ecija, Olongapo City, Pampanga, Tarlac ug Zambales sa Region 3; Batangas, Cavite, Laguna ug Lucena City sa Region 4A; Marinduque, Puerto Princesa City ug Romblon sa Region 4-B; Naga City ug Catanduanes sa Region 5.
Sa Visayas: Aklan, Bacolod City, Capiz, Guimaras ug Iloilo City sa Region 6; Cebu City ug Siquijor sa Region 7; Biliran, Ormoc City ug Tacloban City sa Region 8.
Samtang sa Mindanao area naglakip sa Zamboanga City sa Region 9, Cagayan de Oro City ug Camiguin sa Region 10; Davao City ug Butuan sa Region 11 ug sa CARAGA.
Ang mga nahibiling bahin sa nasod magpabilin sa Alert Level 2. (RTB)
