ANG kakuwang sa mga pasilidad sa pag-atiman sa panglawas ug mga trabahante nagpugong sa pipila ka mga probinsya apil ang Bohol nga ma-categorize ubos sa mas relaks nga Alert Level 1, matod ni vice-presidential candidate Dr. Willy Ong.
Si Ong, sa usa ka interbyu sa iyang pagbisita sa Bohol kaniadtong Marso 16, 2022, niingon nga ang mga pasilidad sa pag-atiman sa panglawas sa mga probinsya dali nga mapuno kung ang gidaghanon sa mga kaso sa COVID-19 motaas.
“Pero kung maayo ang healthcare sa atong probinsya, maka-level 1 na ta ug pwede na makisabay, mao ra nay rason nganong dili ta maka-open,” dugang pa niya.
Ang Bohol adunay one level three health facility, ang Governor Celestino Celestino Gallares Memorial Hospital nga adunay 154 bed capacity alang sa COVID-19 patients.
Ang Bohol, bisan pa nga adunay ubos sa 50 ka aktibo nga kaso sa COVID-19 sa miaging bulan, gipaubos gihapon sa Alert Level 2 gikan Marso 16 hangtod Marso 31. (RTB)
