PADAYONG gipatuman sa Department of Agriculture (DA) ang programang pagpalambo sa pamaagi sa pagpanguma sa mga mag-uuma pinaagi sa paghatag og libreng mga kagamitan ug ekwepo.
Matod pa sa Bol-anong Assistant Sec. sa DA-Visayas, Atty. Salvador Diputado nga anaa na sa 682,502 ka mga mag-uuma sa tibuok nasod ang nakapahimulos sa Rice Competitiveness Enhancement Fund’s (RCEF) Mechanization Program.
Tumong nila sigon sa opisyal mao ang pagpaubos sa gasto sa mga mag-uuma sa pagpananom ug pagpalambo sa ani pinaagi sa mga modernong kagamitan.
Giklaro ni Diputado nga kini nga maong programa nakab-ot pinaagi sa Rice Tariffication Law sa 2019 diin nagtutok sa paghatag og seguridad sa igo nga suplay sa pagkaon. (RTB)
