MUPAHIGAYON ang kapolisan sa syudad sa Tagbilaran og kinalit nga pagpanakop og mga pabuto nga illegal nga gibaligya sa kadalanan.
Kini maoy gibutyag sa usa ka opisyal sa Tagbilaran City Police Office (TCPO) nag dilk lang magpaila sa publiko.
Matod niya nga ila unang panid-an ang mga dapit kon asa kini illegal nga gi-display ang mga pabuto.
Dugang sa TCPO nga ilang gihingusgan ang pagpangsakmit sa mga illegal nga paboto sama sa piccolo, dakong triangle, super lolo, watusi ug uban pa nga kuyaw sa katawhan.
Katuyuan sa kapulisan mao nga kon mahimo walay mabiktima sa pabuto.
Gipahimangnuan usab sa City PNP ang manindahay nga adto gyud mo-display sa giila nga lugar nga mahimong makabaligya og mga pabuto nga layo sa kabalayan. (RTB)
