GIPAHIBAWO sa Commission on Election (Comelec)-7 nga wala sila’y mahatag nga cash incentives alang sa mga magtutudlo nga niserbisyo sa Barangay ug Sangguniang Kabataan Elections (BSKE) sigon ni Atty. Lionel Marco Castillano, direktor sa Comelec-7.
Matud ni Castillano nga gamay ra ang pundo sa Comelec alang sa BSKE ug wala usab nila kini magahini og budget ang cash incentives.
Dili usab sila pwede makahatag og overtime sa mga magtutudlo tungod kay dili man sila empleyado sa Comelec
Hinuon aduna na sila’y daan nga five-day service incentives nga pwede magamit aron sila kapahuway.
Gibutyag ni Castillano nga nirekomendar siya nga himuon nga 15 ka adlaw tungod kay ang mao nga service incentives nga ilang mapahimuslan sa magtutudlo kaniadto pa kini napatuman.
Sa iyang bahin, si Dr. Salustiano Jimenez, director sa Department of Education (DepEd)-7 nihangop sa rekomendasyon sa opisyal sa Comelec.
Matud ni Jimenez nga dako kini og tabang sa mga magtutudlo nga niserbisyo sa mga piniliay nga gihulagway nga naa gyud ang kakapoy. (RTB)
