DAKONG uyon ang ikaduhang labing-labaw nga opisyal sa Bohol sa sugyot sa Department of Finance (DOF) nga patungan og dako nga excise tax kadtong mga mopalit sa bag-ong sakyanan.
Sumala pa ni Bise-gobernador Dionisio Victor A. Balite, Ph.D nga ang tumong sa DOF gawas nga makakolekta og buhis ang kagamhanan, mao ang pag-discourage sa katawhan nga mopalit pa og dugang mga sakyanan.
Sumala sa bise-gobernador nga daghan ang miingon kaniya nga kun maaprobahan ang sugyot, ang mahitabo agwantahon na lang sa mga tawo ang pagmentinar sa ilang daang sakyanan bisan og magbuga na kini og aso nga makadaot sa kalikupan.
Dugang ni Balite nga mas nindot nga ang ‘excise tax’ nga makolekta sa mga mopalit og bag-ong mga sakyanan, ihatag ngadto sa mga local government units aron magamit sa pagpanindot sa ilang traffic systems.
Sigon ni Balite nga pananglitan dinhi sa Tagbilaran City dugay ra nga nasinati ang grabeng problema sa trapiko tungod sa pagdaghan sa mga sakyanan apan wala mapalapdi ang mga karsada.
Matod pa sa bise-gobernador nga kon mahimoan og balaod ang sugyot, ang mga mopalit og sakyanan nga ang kantidad ubos sa P600 mil, patungan og excise tax nga singko porsiyento, apan ang kantidad sa excise tax mosaka ngadto sa 20 porsiyento kun ang sakyanan nagkantidad na og sobra sa P600 mil ngadto sa P1.1 million. (RTB)
Sumala pa ni Bise-gobernador Dionisio Victor A. Balite, Ph.D nga ang tumong sa DOF gawas nga makakolekta og buhis ang kagamhanan, mao ang pag-discourage sa katawhan nga mopalit pa og dugang mga sakyanan.
Sumala sa bise-gobernador nga daghan ang miingon kaniya nga kun maaprobahan ang sugyot, ang mahitabo agwantahon na lang sa mga tawo ang pagmentinar sa ilang daang sakyanan bisan og magbuga na kini og aso nga makadaot sa kalikupan.
Dugang ni Balite nga mas nindot nga ang ‘excise tax’ nga makolekta sa mga mopalit og bag-ong mga sakyanan, ihatag ngadto sa mga local government units aron magamit sa pagpanindot sa ilang traffic systems.
Sigon ni Balite nga pananglitan dinhi sa Tagbilaran City dugay ra nga nasinati ang grabeng problema sa trapiko tungod sa pagdaghan sa mga sakyanan apan wala mapalapdi ang mga karsada.
Matod pa sa bise-gobernador nga kon mahimoan og balaod ang sugyot, ang mga mopalit og sakyanan nga ang kantidad ubos sa P600 mil, patungan og excise tax nga singko porsiyento, apan ang kantidad sa excise tax mosaka ngadto sa 20 porsiyento kun ang sakyanan nagkantidad na og sobra sa P600 mil ngadto sa P1.1 million. (RTB)
