TAGBILARAN CITY, Bohol (PIA) – Dili na bag-o sa Bohol ang gimandu nga Bagong Pilipinas Serbisyo Fair (BPSF).
Kini maoy pintok nga pamulong ni Gobernador Erico Aristotle Aumentado diha nga nagkatigum ang mga hepe sa mga buhatan sa nasudnong kagamhanan kauban sa mga department heads Bohol pagtubag sa mandu nga maghimo na sa BPSF sa mga lalawigan.
Kahinumduman nga gipagawas ni president Ferdinand Marcos Jr. ang Memorandum Circular No. 24, niadtong Hulyo 3, 2023, nga naglusad sa Bagong Pilipinas Campaign isip matang sa pangagamhanan ug liderator sa Administratson ni Presidente Marcos.
Paingon sa pagkab-ot sa masanag nga kaugmaon sa nasud, nanaad ang administrasyon nga buhion ang kinaiya sa pangalagad ug pagpanguna nga manawagan sa batakang kausaban sa katilingban, sa kagamhanan nga nagtutok sa lukop nga plano sa ekonomikanhon ug katilingabanong kausaban, segun sa pa sa Presidente.
Kini maoy buot ikapadayag sa Bagong Pilipinas, usa ka kinaiya sa prinsipyado, may tulubagon ug kasaligan nga kagamhanan nga gipakusog sa nagkahiusang institusyon sa katilingban nga ang bugtong tuyo, mao ang pagpakab-ot s amga Pilipino sa ilang mga pangandoy, dugang niya.
Ug sanglit kini nga mga kalihukan mao na mana ng kinaiya sa kagamhanan, gimandu sa Presidente nga kini na ang gamiton sa mga ahensya sa kagamhanan.
Nunot usab niini, nagpagawas ang Department of Interior and Local Government sa Memorandum Circular Ni 2023-0138 niadtong September 22, 2023 nga nagmandu usab sa pagpakanaug niining mga kalihukan sa Bagong pilipinas ngadto na sa mga Local Government Units.
Didto sa coordination meeting alang sa nag-unang kalihukan sa BP campaign, ang BPSC maoy gisugyot nga himoon sa unom ka mga rehiyon nga isipong pilot launch sa kampanya.
Matud ni DILG PD Jerome Gonzales, kaya ng BP Campaign nagsukad man sa core values nga paghiusa, pagka-asensado ug lukop nga kaugmaran, himoon sa Bohol ang whole of government approach diin ang tanan maghiusa sa pagkab-ut sa us aka tumong: mas maayong nasud.
Subay usab niini, himoona ng hiniusang BPSF, nga labing dako nga serbisyo caravan nga gitumong aron magtanyag sa mga nag-unang serbisyo ngadto s amga kabus sa tanang suok sa nasud.
Dinhi, sama sa nabatasab na sa Bohol nga Serbisyo Caravan, tumong nga ikahatag sa katawhan sa ila na mismong tugkaran ang labing menos 60 ka serbisyo gikans a nagkadaiyang ahensya sa kagamhanan.
Niini, matud pa sa gobernador, wala nay angay pang kahadlokan kay naanad na ang mga ahensya niini kay permi na kini giubuhat sa Bohol.
Ang BPSF gitakda nga himoon sa usa ka lugar sa Bohol sa Nobyembre, human ang piniliay nga local. (rahc/PIA-7/Bohol)
