DEAD-ON-THE-SPOT ang usa ka pasahero human kini aksidente nga nahagbong sa gisakyan nga passenger bus didto sa barangay Oac, Dimiao, Huwebes sa hapon, Oktubre 12.
Ang biktima nailhan sa kapolisan nga Catalino M. Gacoco, 65, ulitawo, Barangay Secretary sa barangay Canhayupon sa maong lungsod.
Gibutyag sa kapolisan base sa imbestigasyon nga kining biktima sakay sa usa ka passenger bus paingon sa barangay Canhayupon nga gimaneho sa nailhang driver nga si Teofilo T. Adapon 56, minyo, lumulopyo sa barangay Limocon, Dimiao.
Base sa nakasaksi nga paingon na unta mohunong ang maong sakyanan og mibarug kining biktima paingon sa pultahan apan na out-balance ug nahagbong sa maong sakyan ug naligsan ang iyang ulo hinungdan sa hinanali niining kamatayon. (RTB)
