GIBUTYAG ni PLt. Col. Norman Nuez tigpamaba sa Bohol PNP, ang suspek nga si Reginald Abundo suspek sa pipila ka mga shooting incident dinhi sa Bohol kinsa gihulagway nga usa ka gun-for-hire og posibli kini nga gamiton sa pipila ka mga politiko sa Barangay Election.
Una nang gitumbok ni Police Lt. Col. Gerard Ace Pelare spokesperson ni Police Brigadier General Anthony Aberin hepe sa Police Regional Office 7 nga ang dinakpang si Abundo giingong gikonsidera nga High Value Individual og hitman sa drug group nga nalambigit sa mga pagpamusil sa lalawigan sa Bohol nga dunay kalambigitan sa ilegal nga drugas.
Gipasabot ni Pelare nga ang maong mga dinakpan labi na sa target nga si Abundo sakop sa drug group sa lalawigan sa Bohol diin sila ang gihimong hitman ug gun for hire diin ang ilang gipang tira mao kadtong mga drug personalities nga kaatbang sa ilang amo
Si Abundo nga taga lungsod sa Carmen nakuhaan og 55 gramos nga gituohang shabu nga mobalor og ₱374,000 ug duha ka armas nga kalibre .9MM ug KG9 sub machine gun nga adunay mga bala niini sa buy bust operation sa Provincial Intelligence Unit didto sa Purok 1, Brgy.Danao, lungsod sa Panglao karong bag-o. (RTB).
