MASALIGON ang Bohol Electric Cooperative (BOHECO) 1 nga pinaagi sa tabang sa mga enhinyero ug linemen gikan sa mga power distributor (PD) sa ubang mga lokalidad makompleto nila ang pagpahiuli sa mga linya sa kuryente nga naigo sa bagyong Odette sa umaabot nga buwan sa Abril.
Ang tigpamaba sa BOHECO 1 nga si Alergico Siga niingon nga nakadawat sila og hinabang gikan sa managsuong electric cooperatives sa Sugbo, Leyte ug Samar nga nipakatap og gatusan ka linemen sa Bohol.
Karong bag-o, ang Cebu Electric Cooperatives 1, 2 ug 3 nagpadala og 107 ka grupo sa ilang mga sakop paingon dinhi sa probinsiya.
Matud pa ni Siga nga ang Leyte Electric Cooperatives 5 ug Samar Electric Cooperatives 1 ug 2 nakadeploy na usab og kapin sa 100 ka personnel sa Bohol.
Base sa datos nga gipagawas sa BOHECO 1 sa nakabalay nga adlaw, nabalik na nila ang kuryente ngadto sa 45 porsiyento sa mga panimalay sa ilang franchise area.
Ang BOHECO 1 nakabalik sa kuryente ngadto sa 71,717 sa 157,060 ka panimalay nga naputlan sa grid tungod sa Bagyong “Odette.” (RTB)
