SUPORTADO ni Kongresista Aris Aumentado sa Segundo distrito sa Bohol ang panawagan sa pagtukod ug mga super health centers sa tibuok nasod aron mapalambo ang “access” sa mga Pilipino sa serbisyo sa panglawas sa gobyerno, partikular na sa mga rural nga lugar.Matod ni Aumenatdo, nga kon adunay super health centers, ang mga pasyente dili na kinahanglan nga moadto sa dagkong mga tambalanan nga kasagaran anaa sa siyudad.
Gipasabot sa kongresista nga ang super health center usa ka medium nga bersyon sa usa ka polyclinic ug usa ka enhanced version sa usa ka rural health unit diin mukabat sa 514.3 square meters ang kadak-on niini sigon sa unang plano.
Dugang ni Aumentado nga katuyuan sa maong super health center sa nagkadaiyang bahin sa nasud mao nga mapadool ang katawhan sa mga serbisyong medikal sa kagamhanan ilabi na sa hilit nga lugar nga labi kini nga gikinahanglan. (RTB)
