HUGTANON na nga idili kon ibawal ang pagpasakay og mga pasahero lapas sa gitaganang passenger capacity sa pipila ka mga sakyanan. Kini ang nasayran ning pamantalaan gikan sa LTO-Tagbilaran City district.
Sumala sa LTO nga karong bag-o, subling gipakanaog ang usa ka mandato gikan sa ilang uluhang buhatan sa Land Transportation Office subay sa pagtamod sa R.A. 4136 kon Land Transportation and Traffic Code of 2010.
Lakip na niini ang pagpasakay og pasahero sa ‘4-wheels pick-up style’ nga sakyanan, elf, multicab nga abri ang likod lakip na ang bongo type.
Namatikdan sa LTO nga ang pipila ka mga disgrasya sa kadalanan maglambigit gyud sa nasangpit nga mga sakyanan.
Gipasabot sa ahensiya nga gigahin ang likod nga bahin sa maong klase sa sakyanan alang sa mga gamit ug dili sa tawo. (RTB)
