ANG Pabahay Program ni Congresswoman Alexie B. Tutor, sa gihapon nagpdayon, ug nakatukod na sa ika-161 nga balay.
“Usa sa atong mga personal na adbokasiya gamit ang atong personal na panodlanan. Ang grasya ug atong i-ambit sa uban, mobalik kanimo sa ikapila ka piloan,” nagkanayon si Tutor sa iyang facebook post.
Iyang gilatid ang maong programa nga “Ang Balay nga akong Halad Sa Pamilya, Balay na puno sa Paglaum, Gugma ug Panaghiusa.”
Ang ika-161 nga nahimong panimalay gipanag-iyahan ni Richard ug Jolina Mantica, sa sitio Loyo, barangay Del Monte, Alicia, Bohol.
Ang magtiayong Zosimo ug Silveria Burato sa purok 7, Pobacion, Alicia, sa ika-160 ug sila si Pedro ug Ludenia Cabarubias P4 La Suerte Pilar, ika 159, mao ang mga benepisyaryo nga balayng gitukod sa Kongresista
Ang pagtukod sa panimalay nila ni Mantica ug Burato puro biktima sa sunog, matud sa Kongresista.
Si Tutor mipahimangno nga “Imong balai, atong balai, atong ampingan.”
Kinsa ang maka ‘avail’ niini: (1). Ang pinaka luoy/mas nagkinahanglan niini; (2). Dunay kaugalingon na yuta; (3). Preferred: Kasado; (4). Preferred: daghan ug anak; (5). Gikasabotan sa brgy council; ug (6). Special cases. Duola ang brgy council, matud ni congw. Tutor. (rvo)
7 KA PABAHAY SA 1 KA SEMANA
Sunod-sunod ang blessing ceremony sa PABAHAY program ni Congw. Alexie Tutor sa iyang distrito gumikan kay “on-recess” man sila karon sa Ubos Balay Balauranan.
Mao na kini ang Pabahay 155 ngadto na sa 161 nga nagpasabot 7 ka balay ang nahatag sa mga benefi`ciaries.
Ang Pabahay 155 mao ang ilang Raymund ug Elsa Acierto nga taga Purok , Madua Sur, Duero samtang 156 ilang Danilo Acop nga sakop sa PWD ug lumulupyo sa Purok 3, Dagohoy, Pilar.
Ilahang Alejandro ug Marcosa Tudio sa Sitio Ilaud, Campagao, Bilar ang Pabahay 157 ug ang 158 ang gipanag-iya na karon nila Nicolas ug Delia Lomocso nga taga Purok 3, Cantigas , Batuan.
Niabot pa ang Team KUMBATI didto sa Pilar alang sa Pabahay 159 nga ilang Pedro ug Ludenia Cabarubias, taga Purok 4, La Suerte, Pilar.
“Mao ni ang pinaka dakong Pamilya nga nabalayan nato ug wako masayop nga 10 kabuok anak. Sa kadaghan, d nako maka remember. Pag abot nako sa area, hawan man jud abi nako asa ra ang balay, lakwonon pa diay jud. Atbang sa ilang location mao na ang Bulilis,Ubay. May gani naa na sa taas ilang bay, ug wapa,nah, mopa daos-os nasad ko padung adtong ubos, sa dam na jud sa Bulilis”, suma pa ni Congw. Alexie.
Ang Pabahay 160-161 puros nasunugan ang maong mga benipisaryo nga sila Zosimo ug Silveria Burato, taga Purok 7, Poblacion Alicia ug Richard/ Jolina Mantica nga taga Sitio Loyo, Del Monte, Alicia. (Kahlil Lester O. Camba)
