GIAWHAG ni 2nd district Congw. Vanvan Aumentado ang mga kapunungan sa iyang Distrito nga magkugi sa pag-comply sa mga rekisitos alang sa ayudang panginabuhian.
Sa iyang social media page, nisaysay si Congw. Aumentado nga niabot na sa P8.5M gikan sa Enero hangtud sa Setyembre 2023 ang iyang nabubo alang sa mga Livelihood projects sa Segundo.
Kini dili mahatagan sa katumanan kon wala ang DOLE-Bohol nga gipangulohan ni Lulu Cantona nga nahimo nilang katambayayong sa paghatag og kaayohan.
Dugang pa niya, dunay mga umaabot pang mga pundo ug naghinaot siya nga ang mosunod nga mga kapunungan abtik usab sa paghikay sa mga papeles nga gikinahanglan.
Ang iyang mga sinaligang Livelihood Coordinator nga sila Lita Verenio ug Gaye Mabanag maoy sampiton sa ilang buhatan alang sa maong katuyuan. (Kahlil Lester O. Camba)
