GIPAHIDUNGGAN ni 2nd district Congw. Vanvan Aumentado ang mga myembro sa Philippines Nurses Association sa Rehiyon 7.
Si Congw. Aumentado ang pinasidunggang mamumulong sa 3rd Region 7 Innovation and Scientific Engagement (RISE) “Nurses Together: Force for Global Health.”
Mapasalamaton siya sa tanang mga nurse dinhi sa nasud ug ingon man sa gawas sa ilang kakugi ug dedikasyon sa ilang propesyon ilabi na sa pagluwas sa kinabuhi.
“Proud Nurse Van-van Aumentado here. Once a Nurse, always a Nurse,” suma pa ni Congw. Aumentado.
Ang kongresista sa Segundo distrito isip nurse nibubo sa dagkong mga pundo sa programang panglawas pinaagi sa DOH arun masiguro nga dunay gigahin alang sa medical assistance ug uban pa.
Lahi pa kini sa mg health infrastructure sama sa SuperHealth Center sa mga kalungsuran. (Kahlil Lester O. Camba)
