ANG Pangagamhanan sa Probinsiya sa Bohol (PGBh) pinaagi sa Bohol Provincial Tourism Office (BPTO) maoy nangulo sa delegasyon sa probinsiya ngadto sa ika-34 nga Philippine Travel Mart (PTM).
Ang Bohol, lakip sa gipili nga mga destinasyon, mopakita sa Munisipyo sa Anda, Panglao, Loboc, ug Carmen uban sa LV Travel and Tours ug Rio Verde Floating Resto.
Espesyal nga mga partisipante sa produkto naglakip sa Munisipyo sa Antequera, Aproniana Gift Shop, CocoBerry, Tan Inong’s Asin Tibook, JZAKI Rice Wine, ug Tubigon Loomweavers Multi-Purpose Cooperative.
Ang Bohol mopakita usab og UNESCO Global Geopark Program karong adlawa Septiyembre 3, 2023, gikan sa 1:25-1:55 PM sa SMX Convention Center sa Mall of Asia.
Ang pinakadako ug pinakadugay nga tinuig nga travel fair pagasalmotan sa dul-an sa 300 ka exhibitors gikan sa tanang 17 ka rehiyon sa nasud, nga maghiusa sa mga hotel, resorts, travel agencies, tour operators, ug mga opisina sa turismo nga nagtanyag og vacation package discounts ug deals para sa mga travel patrons.
Gipasiugdahan sa Philippine Tour Operators Association (PHILTOA) ug gisuportahan sa Department of Tourism (DOT) ug Tourism Promotions Board, ang travel one-stop shop mahitabo sugod sa Septiyembre 1 hangtod karon 3, 2023, sa SMX Convention Center sa Mall of Asia Complex sa Pasay City.
Ang PGBh ubos sa pagpangulo ni Gobernador Aris Aumentado kauban ang Sangguniang Panlalawigan nga gipangulohan ni Bise Gobernador Dionisio Victor Balite nag-una sa malungtarong turismo sa ilang estratehikong pagdumala sa roadmap. (RTB)
