ANG Sangguniang Panlungsod sa dakbayan sa Tagbilaran nag-deklarar kang kontrobersyal drag queen Pura Luka Vega nga “persona non grata.”
Si City Councilor Fausto Bebot Budlong mao ang nagduso sa resolution nga gi-approbahan atol sa regular session gipangulohan ni City Vice-Mayor Adam Relson Jala niadtong Setyembre 1.
Nahimong kontrobersyal si Amadeus Fernando Pagente mas nailang si Pura Luka Vega tungod kontrobersyal nga “Ama Namin” rendition.
Si City Councilor Budlong nibutyag ang dakbayan sa Tagbilaran usa ka relihiyosong dapit gani dinhe nagbase ang Diocese of Tagbilaran.
Sayo niini, ang Sangguniang Panlalawigan sa Bohol unang nideklarar nga persona non grata dinhe sa lalawigan si Pura Luka Vega.
Nadugang ang dakbayan sa Tagbilaran sa mga siyudad ug probinsya nga gideklarar nga persona non grata si Pura Luka Vega diin naglangkob kini sa Floridablanca, Pampanga, Toboso, Negros Oriental, General Santos City, City of Manila, Bukidnon, Laguna, Cagayan De Oro, Palawan ug Oriental Mindoro. (rvo/dcr)
