GI-TURNOVER na ang kantidad P139M nga mga proyekto didto sa Candijay nga gipangunahan ni Mayor Thamar C. Olaivar.
Nanguna niini ang P100M nga Candijay Sports Complex, P20M 6-Classroom nga Candijay Municipal High School ug ang P19M nga Candijay Coastguard Substation.
Nitambong usab sila Congw. Alexie Tutor ug Gob. Aris Aumentado nga gi-representahan ni Stephen Rances.
Gi-turnover na usab ang MultiPurpose Vehicle ngadto sa Brgy. Luan nga gikan pa sa buhatan ni Sen. Sonny Angara.
Sa laing bahin, padayon ang rehabilitasyon sa mga covered courts sa tanang barangay sa Candijay nga puros gipamutangan og nindot nga Comfort Room.
Ang ika-9 nga Pabahay program ni Mayor Olaivar nahuman na ang pag turnover didto sa Brgy. La Union ngadto sa magtiayong Samuel ug Raquel. (Kahlil Lester O. Camba)
