956 ka mga pamilya sa Isla Cuaming, Inabanga ang natabangan pinaagi sa mga food packs nga gipang apud-apod pinaagi sa DSWD ug buhatan ni Congw. Vanvan Aumentado.
Si Exec. Asst Jun Flores ang ni-representar kang Gob. Aris Aumentado sa maong kalihokan.
Apilon usab ang Isla Hambongan ug mga kaislahan sa Getafe, Talibon, Tubigon, Panglao lakip na ang Bien Unido.
Mao kini nga ang hangyo nila Congw. Vanvan ug Gob. Aris Aumentado gumikan kay kon maot ang panahon matanggong man ang mga mananagat maoy hinungdan nga apektado ang ilang panginabuhian.
Ang ilang pakig-alayon ngadto kang DSWD Regional Director Shalaine Lucero ug PSWDO Mita Tecson maoy nipaspas sa ilang mga hangyo.
Kahinumduman nga sa bag-o pang nilingkod isip amahan sa lalawigan sa Bohol, ang electrification sa mga kaislahan ug uban pang kaayohan ang usa sa ilang saad nga hatagan pagtagad.
Ang Segundo Distrito kon diin nangalagad si Congw Vanvan maoy daghang mga isla sa ilang mga lungsod. (Kahlil Lester O. Camba)
