NIKABAT sa P11B kantidad sa mga investment ang niabot sa Bohol nga niresulta sa 31,000 nga trabaho.
Ubos kini sa Business Development Program kon diin sa mga “large enterprises” niabot na sa P9.7B niadtong 2022 ug niresulta sa 2,982 ka trabaho.
Dugang pa niini, ang Paid-up Capital Investments gikan sa 265 New Corporations ug Partnerships sa atong lalawigan nikabat og P376M nga 52% mas dako ikompara sa niageng tuig.
Kahinumduman nga sa pipila ka mga episode sa Takna sa Gobernador, iyang gisaysay ang mga “updates” sa mga investments nga niabot dinhi sa atong lalawigan ug mga investor nga gusto motabang sa pagpalambo sa Bohol.
Gikan kini sa mga nagkalain-laing sektor sama sa panubig, enerhiya, turismo ug bisan pa ang mga inilang mga Shopping Malls sa nasud sama sa SM, Robinsons ug PureGold.
Ang sektor sa Micro, Small, Medium Enterprises and Entreprenuership maoy usa samga Strategic Change Agenda nga giladlad ni Gob. Aris Aumentado sa iyang SOPA speech.
Ang padayon nga pagsalig sa mga investors ngadto sa mga nangatungdanan karon niresulta sa mas bibo nga ekonomiya.
Pagkakaron, dunay duha ka BPO locators nga 5,000 ang mga empleyado samtang 20,000 ang freelancers nga nipakita sa ilang “expertise” sa nagkadaiyang BPO services.
Sukad sa paglingkod ni Gob. Aumentado isip amahan sa lalawigan nipahigayon sila og 8 Abante Negosyo Carvan lakip na ang 2 ka Abante Barangay Service Caravan.
Karong tuiga, ilang gilusad ang Basic Entrepreneurship for Sustainable Transformation (BEST) Series Seminar sa mga Food park sa kalungsuran.
Sa nianang pamaagi, mas molambo pa ang local food industry sa Bohol ug ang mga Food Park mahimong tourist destination.
Usa pa sa ikapasigarbo sa lalalwigan mao ang taas nga satisfactory rating sa Bohol Business One Stop Shop (B.O.S.S) nga 93.4%.
Sa pagsaulog sa Sandugo Month sa lalawigan, ang 86 local business sulod sa Sandugo Park didto sa Old City Airport niabot ang ilang kita og P8.3M. (Kahlil Lester O. Camba)
