Ni Elvira Bongosia
TAGBILARAN CITY, Bohol (PIA) — Ang Provincial Government of Bohol (PGBh), pinaagi sa Sangguniang Panlalawigan (SP), ug mga opisyal gikan sa nasudnong mga ahensya nagtigom alang gisugyot nga ordinansa alang sa Eskaya Communities sa probinsya niadtong Hulyo 12, 2023, sa Sangguniang Panlalawigan (SP) Pre-session Hall sa Kapitolyo ning syudad.
Kining gisugyot nga ordinansa nga nag-ulohan og “Eskaya Code of Bohol,” nga gipasiugdahan ni Third District Board Member Elpidio Bonita, nagtinguha sa pagpahigayon sa konserbasyon sa kultura sa mga buhing tradisyon ug kostumbre sa mga komunidad sa Eskaya ug paghatag kanila og panginabuhian, mga programa sa edukasyon sa kabilin, ug imprastraktura nga makapauswag sa ilang kahimtang sa pagpuyo.
Ang Eskaya Code of Bohol nagsugyot nga maghimo og cultural learning hubs, sama sa mga museyo, livelihood training centers, youth development, incorporating heritage education sa sistema sa edukasyon sa probinsya, ug farm-to-market roads nga nagkonektar sa Eskaya Ancestral Domains ngadto sa mga dalan sa probinsiya.
Kini nga diskusyon gipangulohan ni SP Committee on Culture and Arts 2nd District Board Member Jiselle Rae Villamor ug gitambungan sa ubang mga Board Members nga sakop sa komite, ang Center for Culture and Arts Development, ang Provincial Youth Development Office, ang Provincial Legal Office, ang Provincial Budget Management Office, ug ang Department of Education-Bohol Division.
Ang gisugyot nga ordinansa maglakip sa mga komunidad sa Eskaya sa Guindulman, Duero, Sierra Bullones, Candijay, ug Pilar.
Kini subay sa Strategic Change Agenda sa Kagamhanan sa Probinsiya sa Bohol, ubos sa Aumentado-Balite Administration, nga naningkamot sa pagpreserbar sa kultural nga kabilin ug pagmugna og ekonomikanhong kahigayonan sa mga konstituwente sa probinsya.Bottom of Form (ecb/PIA7-Bohol)
