Ni Wilson Auguis Subrio
GIDALA ni Gobernador Aris Aumentado ang kinatibuk-ang P377,500.00 nga ayudang-pinansyal alang sa tulo (3) ka mga barangay sa lungsod sa Valencia aron magamit sa ilang mga panginahanglan.
“Nibisita kita sa tulo ka mga barangay sa Lungsod sa Valencia aron makauban ang atoang mga higala didto ug personal na itunol ang mga financial assistance gikan sa Kagamhanang Probinsyal,” matud ni Gobernador Aris Aumentado.
Ang 3 ka barangay nga nakadawat, mao ang mga mosunod:
Brgy. Genoveva, Valencia – P175,000 alang sa mga premyo sa mga gipahigayong kalihukan ug aktibidad sa maong barangay. Gikan kini sa mga buhatan nila ni Bise Gobernador Dionisio Victor Balite, Bokal Tita Baja, Greg Jala, Elpidio Bonita, Nathaniel Binlod, Romulo Cepedoza, Christian Bolos III, ug Gloria Gementiza.
Brgy. Marawis, Valencia – P125,000 alang sa konstrusyon sa school canteen sa Mayor Pablo O. Lim Memorial High School. Gikan kini sa buhatan ni Bise Gobernador Dionisio Victor Balite.
Ug Brgy. Loctob, Valencia – P77,500 alang sa mga premyo sa mga kalihukan ug aktibidad sa maong barangay. Gikan kini sa mga buhatan nila ni BG Balite, Bokal Baja, Jala, Bonita, ug Binlod.
“Gipahinumduman nato sila nga i-liquidate dayon ang maong mga kantidad aron makadawat pa sila sa ubang mga ayuda gikan sa Kagamhanang Probinsyal, hilabi na ang P200,000 para sa mga priority projects,” matud ni Gob. Aris.
