NAMAHAYAG si City Councilor Malvin Misael “Atoy” Torralba nga gikinahanglan ang dugang mga ekipo arun moabag sa naa na karon sa MRF-Dampas.
Kini human niduso siya sa “A Resolution requesting Regional Executive Director Angel C. Enriquez, CESO III, Department of Agriculture Region 7, Mandaue City, Cebu Philippines for One (1) unit of Shredder and Composter Machine to be installed and used at the City Agriculture and Veterinary Office (CAVO) to augment the existing Solid Waste Management Equipment at the present Material Recovery Facility (MRF) in Barangay Dampas.”
Subay kini sa R.A 9003 o ang Ecological Solid Waste Management Act of 2000 nga giaprobahan niadtong Enero 26, 2001.
Si Torralba ang SP Chairperson on Health, Sanitation and Environmental Protection sa Sangguniang Panglungsod.
Kahinumduman nga nisuroy na sa mga kabaryohan sa syudad si Torralba arun sa pagsuta sitwasyon sa Solid Waste Management implementation.
Una na siyang nitambong sa session sa Brgy. Dao nga gipangulohan ni Brgy. Capt. Bert Puagang.
Si Konsehal Atoy Torralba , usa ka Licensed Physical Therapist ug anak nila kanhi mayor Atty Jose “Joe” Valles Torralba ug kanhi kapitan sa Cogon ug kanhi konsehal Betty Co-Torralba.
Siya maoy kasamtangang president sa Holy Name University Alumni Association, nahimong SK Kagawad ug President sa Brgy Cogon niadtong 1989-2001. (Kahlil Lester O. Camba)
