TAGBILARAN CITY, Bohol (PIA) — Tulo ka porsyento ra, o 30 sa matag usa ka gatus sa mga Bol-anon miangkon nga dili sila kabus, 47 niini ang miingon nga igo-igo ra ang ilang kahimtang samtang 50 sa usa ka gatus ang miingon nga sila kabus.
Kini segun sa resulta sa Bohol Poll nga gipadagan sa Holy Name University niadtong Abril 29 ngadto sa Mayo 21 niining tuiga.
Sa lanat sa mga katuigan, niadtong 2017, 6 sa matag usa ka gatus ka Bol-anon ang miingon nga dili sila kabus, 36 sa matag usa ka gatus ang miangkon nga igo-igo ra ang ilang kahimtang samtang 58 sa matag 100 ang miangkon nga kabus.
Pagkasunod tuig, sa 2018, 5 na lamang sa matag 100 ka gatus ang miangkon nga dili kabus, 36 ang igo-igo lamanag ang kahimtang ug 59 sa matag us aka gatus ang miangkon nga kabus.
Sa 2019, upat nalamang sa matag us aka gatus ang miingon nga dili sila kabus, 40 ang miangkon nga kasarangan ra sila, ug 56 ang miingon nga sila kabus.
Sa 2022, 7 sa matag usa ka gatus ang dili kabus, 38 ang may arang-arang nga kahimtang ug 57 ang miingon nga sila kapus sa kahinguhaan.
Karon nga tuiga, labing daghan nga miangkon nga dili sila kabus nagagikan sa Ikaduhang Distrito sa Bohol nga may 5 sa matag 10 o 50 sa matag usa ka gatus, samtang 2 sa matag 10 o 20 sa matag 100 ang ang miangkon nga dili kabus gikan sa Una ug Ikatulong Distrito sa Bohol.
Sa mga miangkon nga sila kabus, kasagaran kanina naghunahuna nga kon may P20 mil silang gastohon alang sa panginahanglan sa balay.
Apan sa mga miangkon nga dili sila kabus, P15 mil lamang ang ilang gikinahanglang igasto aron dili sila mahisakop sa mga kabus.
Kalim-an ug tulo sa matag us aka gatus usab sa mga taga Unang Distrito miingon nga igo-igo ra ang ilang kahimtang, 42 sa matag usa ka gatus sa District 2 ug 45 sa ikatulong Distrito ang kasarangan ra ang kahimtang.
Parehas nga 53 sa matag 100 sa Ikaduha ug Ikatulong Distrito ang miangkon nga kabus, samtang 45 lamang kini sa unang distrito sa Bohol.
Apan, bisan pa niining tanan, dihang gipangutana kon unsa ang ilang makita nga ilang kinabuhi sa sunod nga 12 ka buwan, 46% o 46 sa matag 100 ka gatus ang miingon nga momaayo pa kini, 41 ang miingon sa sa ilang hunahuna, parahas lang kini ug sa naghunahuna nga kini, mas lisud pa, 13 sa matag usa ka gatus na lamang.
Kini nagpasabut nga +32 sa kinatibuk-ang populasyon ang milaum nga mas momaayo pang kinabuhi sa Bohol sa sunod tuig. (Rey Anthony Chiu /PIA7 Bohol)
