KAPIN sa 20 ka modernong public utility vehicles ang mobiyahe sa Tagbilaran City paingon sa Loboc route, usa ka welcome development alang sa mga lokal nga bisita nga gustong mobisita sa mga lugar sa Bohol’s tourism corridor.
Si Eduardo Montealto Jr., regional director sa Land Transportation Franchising and Regulatory Board (LTFRB)-Central Visayas, niingon nga ang iyang buhatan nakighinabi kang Gobernador Aris Aumentado kalabot sa paglusad sa mga modernong PUV nga magkasakay sa mga lokal nga pasahero ug bisita nga mobisita.
Matud ni Montealto nga ang modernong PUVs moagi sa duha ka landmarks – ang sikat nga Sandugo Shrine nga nagpakita sa blood compact tali ni Datu Sikatuna sa Bohol ug sa Spanish explorer nga si Miguel Lopez de Legazpi ug sa 427-anyos nga Baclayon Church sa dili pa moadto sa Loboc.
Ang Loboc nabantog tungod sa iyang pagkaberde nga suba diin ang mga bisita makasinati ug 1.5-kilometros nga river-cruising floating restaurant samtang nalingaw sa lokal nga pagkaon sa mga folk songs ug sayaw.
“Daghang mga turista ang mas gusto nga mosakay sa pampublikong transportasyon kaysa sa mga tourist van tungod kay gusto nila nga masinati ang katahum sa lugar ug makita ang palibot sa komunidad nga ilang gibisitahan. These modern jeeps will provide them with a safe and convenient ride,” matod ni Montealto.
Karong bag-o, usa ka LTFRB-7 team ang nakigtagbo kang Aumentado diin gihisgotan ang bag-ong rota sa Loboc ingon man ang paningkamot nga mapalig-on ang rota nga pagserbisyo sa mga bisita nga moabot sa pantalan sa Tagbilaran City nga mobisita sa mga hotel ug resort sa Panglao Island.
Matud pa ni Montealto nga ang plano mao ang pag-apil sa mga turismo sa mga koridor sa Local Public Transport Rationalization Plan (LPTRP) nga gi-draft karon sa kagamhanang probinsiyal.
Siya niingon nga ang paningkamot sa pag-establisar og modernong mga ruta sa PUV sa Bohol ug sa Siquijor nga mga sentro sa turismo kabahin sa mga tumong sa Department of Transportation (DOTr) aron mapalig-on ang determinasyon sa Department of Tourism (DOT).
“Gawas sa paghatag sa probinsya nga luwas ug komportable nga mga sakay alang sa mga lokal ug bisita niini, daghan sa ilang mga konstituwente ang makakuha og trabaho isip mga drayber ug konduktor niining mga modernong jeep,” matud pa ni Montealto.
Ipakatap sa LTFRB-7 ang unang lima sa kapin sa 20 ka units bisan unsang orasa sulod sa tuig human maaprobahan ang prangkisa sa usa ka transport cooperative nga nakabase sa Sugbo, nga mao ang United Drivers and Operators Transport Cooperative. (RTB)
