SI Kongresista Vanvan Aumentado miatiman sa mga proyekto nga iyang napundohan gikan sa General Appropriations Act (GAA) sa 2023.
Ug kining mga proyekto nahimo kaniyang kanunayng mag—busy sa iyang schedule aron kini mapahiluna. Bisan, na niini, siya nagkanayon, “Way kapoy-kapoy… LaVan ta direng dapita.”
Ang gipangsubhan nga mga proyekto gahapon mao kining mosunod: Multi-purpose Building in Brgy San Miguel, Dagohoy, nikabat sa P10M; ug ang Erico B. Aumentado High School (EBAHS) Building in Pob., Ubay, P38M.
Ang mag-implementar niini mao ang District Engineering Office II sa Department of Publc Works and Highways (DPWH).
Si Aumentado nakigtigum sa People’s Organization sa barangay San Miguel, Dagohoy alang sa mga umaabot nga pagtugyan (turn over) niini ngadto kanila ug ang pag-apod-apod sa “livelihood checks” para sa nahisgutang kapunongan.
Bisan sa hagip-ot nga panahon, ang Kngresista mitambong pa gyud sa Turn-over Ceremony sa PNP-station sa Ubay. Kini gipunduhan ug gi-implementar sa PNP.
Gitambongan usab ni Kongresista ang Anyag Sa Tubigon (Beauty pageant) isip lakip sa mga kalihokan sa maong lungsod alang sa kapistahan niini sa Mayo15, 2023. Si Vanvan Aumentado, nga kanhi Miss Bohol, mao ang tsirman sa boad of judges sa mao bangga sa kaanyag sa Tubigon. (rvo)
